༄༅། །སྐྱིད་ལུས་ལ་གདམས་པ། །
རྗེས་འཇུག་སྐལ་བཟང་རྣམས་ལ་བསྩལ་པའི་ཞལ་གདམས་བསླབ་བྱ་ཉམས་ལེན་གྱི་སྐོར་སྤང་བླང་མིག་འབྱེད་ཟབ་དོན་སྙིང་གི་བདུད་རྩི་ལས་བཀོལ་དུ་ཕྱུང་བའོ།།
རང་རིག་ཡེ་ཤེས་མངོན་སུམ་སྟོན་མཛད་པའི། །དགོངས་བརྡ་སྙན་བརྒྱུད་བླ་མར་གུས་བཏུད་དེ། །ལམ་གྱི་སྙིང་པོ་རྫོགས་ཆེན་བསྒོམ་པ་ལ། །སྔོན་དུ་ངེས་འབྱུང་བསམ་བ་བརྟན་པ་དང་། །ལམ་གྱི་འགལ་རྐྱེན་ཞི་བའི་སྒྲིབ་སྦྱངས་དང་། །མཐུན་རྐྱེན་ཚོགས་རྫོགས་པསོད་ནམས་རབ་ཏུ་བསགས། །ཉོན་མོངས་རྟོག་འདུལ་མདོ་སྡེ་ཚང་། །ཀུན་ཁྱབ་ཆགས་སྡང་བྲལ་བས་བྱང་ཆུབ་སེམས། །བླ་མ་རང་སེམས་དབྱེར་མེད་མོས་གུས་མཆོག །རང་སེམས་གསལ་རིག་རྒྱུན་ཆད་བྲལ་བ་ལ། །བལྟ་བྱ་ལྟ་བྱེད་རེ་དོགས་དང་བྲལ་བས། །རྣམ་རྟོག་མཚོ་ལ་ཆར་བབ་ཇི་ལྟ་བ། །སྣ་ཚོགས་སྣང་ཞིང་ངོ་བོས་སྟོང་པ་ཉིད། །རང་བཞིན་འོད་གསལ་ལམ་མེར་མྱོང་བ་ཅན། །འདི་འདྲའི་ཡིན་ལུགས་མཐོང་ཐོས་བརྗོད་བྲལ་བར། །དྲན་རྫི་རྒྱུན་བརྟན་མ་ཡེངསཔ་ནི་གནད། །དེ་ལྟར་དགོངས་ཟབ་ཉམས་ལེན་གནད་བསྣུན་ཏེ། །དགེ་བ་གང་བྱས་འགྲོ་དོན་ཁོ་ནར་བསམ། །ལེགས་བྱས་ཚགས་རྣམས་བསྔོ་བས་རྒྱས་འདེབས་མཛོད། །དེ་སྐད་སྐྱིད་ལུས་བསྐུལ་ངོར་མཆོག་གླིང་གིས། །ལྷོ་ཕྱོགས་ཡེལ་ཕུག་དཔལ་གྱི་ནགས་སུ་བྲིས། །
